首爾機場退稅 - 2013 十月update

剛剛從首爾回來, 當然是買到一袋二袋咁啦~ 之前都有上網爬文睇下有咩注意, 亦有文章很詳細提到怎樣退稅. 可是當真的去到了原來有些東西我想是update了, 所以想寫寫讓大家參考一下.

以下是一個step by step guide for 首爾退稅:

1. 當你買野的時候, 可以留意商舖有沒有tax refund字樣. 有的話買滿30,000won就可以退稅. 退稅不是一個fixed的percent的, 而最高可退8%.

2. 俾錢的時候問佢拎退稅單. 他會叫你出示passport同係張單上面簽名.

3. 返酒店得閒的時候填好退稅單上的資料.

4. 戲肉就是到機場的時候. 麻煩你真係唔好預得個半鐘又要學人去搞退稅. 你睇埋就會明. 當你掃左三五七日貨之後, 你就會發現你手上有up to 5種唔同的退稅信封. 唔好以為佢地係一樣喎. 佢地分兩種: global同唔global.

5. Global: 得兩隻, 一個係藍色一個係橙色logo 個logo寫到明有global字樣的. 去到首爾你冇理由無買到護膚品啦, 咁我assume你有at least一樣退稅item要寄艙. 咁你到機場有兩個方法. 正統的是先去airline counter check-in, 記住同佢講你有寄艙行李要退稅. 咁佢應該會俾個boarding pass 同tag你個行李, 但俾返個行李你去海關dup 印. 但係我就第二個方法, 就係唔理三七廿一去左海關 (aisle D 或 J) 度dup印先. 因為正常都幾多人排隊, 所以佢基本上係合埋眼dup印亦唔會check你買的野亦唔會check你張boarding pass, 但當然正統黎講佢有權check啦, dup完先去check-in. 但係就千祈唔好check-in哂俾哂d行李個地勤就兩手fing fing去退稅, 佢唔check你一回事你擺到明冇件貨係手又一回事. 就係咁有兩個大陸人同個職員有口角...

6. 非global: 就係其他個幾隻. 你係海關dup印條隊排的時候會發現隔離有幾部自動tax refund 機. 你唔好以為代表你唔駛排, 因為個d機只係for 非global信封的退稅. 理論上非global的退稅是不用海關dup印的. 你要係部機度scan你張退稅單個QR code, 再scan你本passport. 再跟instruction做, 咁你非global退稅在過關前就完工了.

7. 過左關之後, 先去global 在gate 28的退稅counter. 藍色logo一個, 橙色logo一個, 你跟返你自己個信封排啦. 留意佢只會退韓won現金, 令我和朋友非常鼓譟. 呢兩條退稅隊好詭異, 在返港航班集中的時間可以長達(目測)五十人. 好彩我和朋友非常早到機場, 得個一兩個人排.

8. 咁非global的機就在gate 27, 咁你再scan返你本passport, 再在垂直的mon上面用手指簽名 (有難度ga) 就部機就會嘔返d 韓won俾你 (又俾韓won我做乜呀????)

去到呢度你的退稅動作就完成左, 你就有d韓won係禁區的duty free再搏殺了. 但係留意這過程裏你唔好彩儲齊左五色信封, 排三次隊條條都成百人的話, 你真係咪話唔洗預2-3個鐘前到機場. 而呢五隻退稅有咩分別, 同埋點解咁麻煩, 我會話我都想知, 有人知麻煩話我知... 同埋只有韓won cash refund就梗ga la... 你又預唔到佢會退幾多俾你喎, 要張退稅單出左先知, 所以你幫人買野quote價唔好預退稅個part, 因為你根本計唔到同變返韓won你未必唱得返黎.

好了~ 就此祝大家shopping 愉快~!!

Pole dance studio 比拼!

Pole dance 在香港是比較冷門的項目. 之前我和同事膽粗粗走去試新野, 就硬住頭皮去上左一堂試堂, 之後發現其實幾好玩, 於是我就有sign up到d course. 我去過港島以下三個地方學, 大家可以比較比較 :)

如 果你問pole dance會唔會好難, 其實練兩練大部份人都可以做到有些少成功感的. 但是一定要預左個膝頭哥瘀哂... 個老師自己對腳都有瘀. 除左膝頭哥, 腳背, 大脾等等都有可能會瘀, 因為pole dance 者就是either 1. spin 或者 2. 上pole 做動作. 無論係夾住條pole 或者fing黎fing去都好易會瘀, 老師都話慣左就得... 亦都係因為呢個原因我冇再學, 走左去學lap dance. 大部份studio有得學pole都會有其他堂上lap. 上lap都會傷但係好似冇咁傷. 有機會再講~

一般初學的班都會是fixed pole (即是pole不會轉)和兩個學員share一支pole的. 同埋學pole最基本都是肌肉的訓練. 有學員我想是有跳舞底子的, muscle strength同flexibility都很好, 所以大部份都動作都一教就做得非常好. 我和朋友這些少運動的就進步慢一些吧.

Pole Paradise
http://www.poleparadisestudio.com/

位於上環的Pole Paradise 是由Symone這位外國女生主理的~ 我是去上了$100的試堂.

環境:
Studio 不大, 也沒有reception位. 所以之前之後上堂的人會在你身邊換衫熱身團團轉. 穿鞋的沒穿鞋的都在studio裏踏踏踏.

教師:
Symone 教得很用心很有耐性, 就算是遲開始的試堂也教了好幾個動作. 就是這一堂的小小成功感令我sign up了pole dance course.

Groove Dance Studio
www.groove-dance2fit.com

因為這間比較平而且在銅鑼灣, 比較就腳, 所以我的course是join這一間的.

環境:
Studio 和reception和changing room都是分開的. 感覺比較好. 它分開成兩個studio上不同的課, 同時有aerobic / yoga上的.

教師:
教我們basic堂的導師很nice, 不過有些green. 有時老師一個小小的提點可以令你容易得多做到動作, 但那是很有經驗的老師才做到的. 那裏有好幾個pole的導師. 或者advance的堂不是她教的.

Pole Divas
www.poledivas.hk/

這間我是貪平在groupon買的, 抱著姑且一試的心態...

環境:
Studio 蠻寬敞的. 可是groupon收太多人了, 那兒有9-10支pole, 可是收了廿多人, 大部份都是beginners. 想想你從未學過pole, 在茫茫人海裏, 與其他人share一條pole, 老師根本照顧不了那麼多. 而且那兒沒有changing room的, 只有一個toilet和一條走廊位換衫.

教師:
聽她說她是代課的, 可是很惡啊.... @@廿多個女生一定會吵的, 就給喝靜了... 哈哈... 也像有經驗的但是可能class size太大, 也照顧不了那麼多, 教得不是很仔細, 很多怕醜的學員都沒有怎碰那支pole.

我聽其他女生說荔枝角有一間教得不錯的, 可是對我來說太遠了... 大家住九龍的可以一試...

下次再說lap dance :)

真人版密室逃脫大比拼~!!!

我玩過無數網上escape game, 玩得不是十分出色但經驗值非常高. 網上的花款我都玩厭了, 看到電視報道有真人版, 很有興趣. 可是我這人太慢熱, 很skeptical真人版會不會好玩, 因為會比網上多限制 (不能有破壞性動作), 到現在它hit得火紅才開始玩 -_-|||||. 別人付團購價我可是付正價 :’(!!! 真是… 執輸行頭…

Anywayz, 我要以一個experienced player (reiterate: 我玩得很不好, 聽說有人玩真人版是每間房都過到的!!) 的角度給大家評一評現在開得一街都是的escape game們~ 和網上版一樣, 出題好與壞對你的game experience有決定性的影響. 我在網上玩過一個最有故事性又有邏輯又reasonable難度的, 真是可遇不可求…

有 一個密室逃脫Q&A, 就是很多人有錯覺覺得這是恐怖的遊戲, 其實不然. 密室逃脫只重找提示解謎, 不會突然有東西跑出來嚇你. 如果你怕假血 / 假骷髏骨的話, 可於book的時候詢問清楚. Having said that, 現在的密室有很多variation. 我見到有些新開的好像有點創新的elements, 不排除那些sell驚嚇的房間會像鬼屋一樣.

The Escape 密室圖脫 (已結業)
網址: http://www.the-escape.com.hk/
地址: 油麻地彌敦道482號鴻星大廈4樓482室
房間: 布朗教授的辦公室

環境: 3/5
擺設很簡單. 網頁上說可給2-4人玩, 但房間很小, 4個人的話不能舒適地在裏面呆45分鐘. 幸好我和我的朋友只是兩個人, 有兩張椅子, 我還帶了在對面馬路的味皇買的珍珠奶茶進去, 坐得舒舒服服一邊呷茶一邊解碼, 好不優哉悠哉.

好玩度: 3/5
頭的一半都蠻有邏輯, 還要自己動動手的小task. 但後來的在職員解釋下, 覺得… 有點勉強吧. 我問有沒有人曾經逃脫, 他說有啊.

難度: 3/5
我和朋友都覺得如果多一點時間或者多一個腦袋會可以成功的~!!

總評分: 3/5

[20 May 2013 update: 玩了逃出香港]
逃出香港FreeingHK <<香港首間同類遊戲>>
網址: http://www.freeinghk.com/
地址: 旺角：西洋菜南街1A-1K百寶利商業大廈4樓
銅鑼灣：謝斐道496號金利文廣場10樓
尖沙咀：寶勒巷4號金帝行3樓 [新分店]
房間: 幽暗海盜

環境: 5/5
真不愧為密室界的翹楚, 看得出房間的佈置很花心機很花成本, 難怪在密室game中可以收一個比較高的價錢. 在房間中有半隻海盜船呢!!!! 不像是其他密室真的一間房間四面牆就算數的.

好玩度: 4/5
最初的一個鎖我們明明也成功知道密碼可是就是開不到. 我們六個人當中有三個人輪流試過也不成功. 就這樣浪費了很多時間, 以致後來不能成功逃脫, 有點失望, 我朋友還大喊回水. 當中有一個謎題我本人覺得有點牽強, 可是我的朋友則聯想得到, 可能是我的想像也不夠吧!

難度: 4/5
我和朋友都覺得如果不是白白在最初浪費了二十分鐘, 我們是可以成功的!!

總評分: 4/5

[26 Jun 2013 update: 玩了迷之密室]
迷之密室Lost
網址: http://www.losthk.com/
地址: 旺角亞皆老街24-26號東方大廈8樓

房間: 時間之牢

環境: 4/5
我 們是被蒙眼帶進密室的, 拿開眼罩後密室有很微弱的燈光, 但約十秒後, 在我們找到電筒之前, 房間的燈光和冷氣機聲都同事停掉了... 漆黑一片嚇到我和朋友都傻掉了, 不理會之前職員提示, 立刻拿手機出來照明. 後來還無端端開始播音樂. 是4-6人玩的房間但只有兩個電筒. 後來我們發現燈光和冷氣都是不時自己開開關關, 最初還差點給他嚇死. 太黑還令某個task很難做到. 除此之外房間的裝置和硬件也蠻有心思, 操作順利.

好玩度: 5/5
謎題都很logical很好玩, 要用上不同的思維方式. 和朋友一起慢慢brainstorm很好玩, 是我玩過的三個game入面最喜歡的一個.

難度: 4/5
我和朋友都覺得如果多一兩個腦袋一起brainstorm是會成功的~!! (對, 我玩了三次也沒有一次成功.....)

總評分: 4/5本來我想給滿分的, 可是 1. 最初給嚇得快要心臟病發 2. 職員的態度超差 3. 迫我facebook check in, 還有每個人都要like..., 所以扣一分